Panahon ng Taglibog

Marunong tumayming si Lord.

Para sa 'yo na tapos na ang Panahon ng Pagkatigang, kalimutan ang lupa ng kahapong bitak-bitak sa mga ala-ala. Ang nag-aapoy na lupa sa tag-init, mapapalitan ng naglalaglab na panibugho.

Sa bawat patak ng ulan: pag-asa. Pag-asa na muling sisibol ang mga bagong kabanata, mga bagong panaginip, mga bagong ala-ala.

Magtampisaw sa biyaya. Tapos na ang paghihirap. Malamig ang gabi pero hindi tulad ng dati, maligaya ka na ngayon.